Thursday, October 6, 2011

Fragments, I’m Going Crazy in El-Marg Prison – 8 قصاقيص اتجننت فى سجن المرج

- I’m not a socialist, but I believe that food, health, peace, education, knowledge, housing and healthy environment are basic human rights. I believe in free ethical market economy. 2011/9/26
- I’m a classical liberal when it comes to economy, but I’m a complete libertarian when it comes to social, political, religious and civil liberties. 2011/9/26
- People are asking me, “you are an atheist, you don’t believe in anything?”. I believe in freedom, truth, ethics, morality, values, justice, equality, solidarity, tolerance, love, peace, human rights, science and humanity. Isn’t that enough? 2011/9/26

- معجب جداً بتجربة ”الكتلة المصرية“، ولو انى شايف انها المفروض تبذل مجهود أكبر فى جذب باقى الأحزاب والتيارات المدنية، وكمان المرشحين المدنيين لرئاسة الجمهورية. 2011/9/27
- رأيى فى الصراع السياسى اللى داير حالياً بين العسكر والقوى الثورية، اننا نعمل الانتخابات الرئاسية بدل انتخابات مجلس الشعب فى نوفمبر، وبكده يبقى الحكم العسكرى استمر 10 شهور، ولما يبقى عندنا رئيس جديد نبقى نعمل دستور وانتخابات على مهلنا. 2011/9/27
- المشير نزل وسط البلد بملابس مدنية بدون حراسة... مش عارف، هو فاكر الشعب ده أهبل وهياكل من الكلام ده؟ 2011/9/27
- مش عارف، داليا عثمان اللى بتكتب الأخبار العسكرية فى المصرى اليوم، هل تقرب لإسماعيل عتمان رئيس إدارة الشئون النفسية والمعنوية؟ وهل هى شخصية حقيقية أصلاً ولا اسم مستعار بتستخدمه إدارة الشئون النفسية والمعنوية؟ 2011/9/27
- أيام مبارك كانت الموازنة العامة للدولة فيها 70 مليون جنيه بيتصرفوا لرئيس الجمهورية تحت بند ”بدل ولاء“، علشان يدفعهم رشاوى للناس والعسكريين والسياسيين علشان يضمن ولائهم... يا ترى البند ده لسه موجود فى الموازنة اللى عملها المجلس العسكرى؟ 2011/9/27
- عجبى ان الإسرائيليين خلصوا التحقيق فى حادثة الحدود المصرية فى 3 ايام بس، واعتذروا عن الحادث... المصيبة عندنا احنا، اللى قضية خالد سعيد ليها سنة ونص ولسه متحكمش فيها، والداخلية ماعتذرتش عنها... ده غير قضايا قتل المتظاهرين اللى ليها 10 شهور ولسه متحكمش فيها برضه! 2011/9/27
- الفرق بين نظام الجواز التقليدى ونظام العلاقات زى الفرق بين طريقة إعداد الأكل: الجواز التقليدى بالظبط عامل زى واحد حاسس بالجوع فابتدى يحرث الأرض ويرمى البذور ويرعاها ويطلع الثمار، ويستغل النباتات فى انه يربى حيوانات ويستناها لما تكبر، وبعدين يستخدم لحوم الحيوانات وثمار النباتات فى انه يطبخ الأكل، وبعدين ياكله... نظام العلاقات كأنه بالظبط واحد حس بالجوع فطلب أكل دليڤرى، والأكل هيوصله فى خلال ربع ساعة... الفرق واضح طبعاً. 2011/9/27



No comments: